Äu on Neres 1

Details

Veröffentlicht: Dienstag, 26. Februar 2008 00:00

Geschrieben von Ingo Lenzen

Zugriffe: 621

Plattdeutsch Texte von Autoren des "Freundeskreises platt schreibender Autoren Mönchengladbach"

Äu on Neres jinge enns, tesaame duer dr Böösch,
se woare am explezeere sech, do sätt Äu, do vlösch en Mösch.
Dä Neeres sätt, Du süest nej joot, du böss e selde Ei,
wenn du dat net jesenn hast, dat woar ne Pappajei.

Du böss beklopp, säet do dä Äu, ech hann noch joe Ohre,
du solls mar enns nom der Dokter jonn anstatt so scheel te luere.
Du Jippsjeseet, du Weihnachtsmann, se joave sech ant lamänteere
on schmiete sech so manches für, on och so fleddich Denge.

Du Jitzemännke, Plätekopp, du Kappesbuer, du Jeetebock
Du Schwadroneeres, Jippsgesech, du Vötchesvöehler, Melksjesech.
Du Mutzepuckel, viese Möpp, du klöschtech Männke, Kengerföpp.

Nohdemm se kräfftich utscheschangt, jing et dann schwiijend wi-er
Enn jedder troak enn kräftig Schnuut, datt woer de lääste Kier.
On wie se koame no enn Stond am Äng von desse Bösch
Do soate friedlich beeneen, ne Pappajei un och enn Mösch.

Do jing dem Äu on och demm Neres op enns de Oohre op
Se hodde sech verjäes jetackt und och te äersch geschuppt.
Se schwoere sech nie miehe Striit, ejal watt och passert.
En johe Vröönkschaf es et bääs, he op os schönne Äed.

• Zurück
• Weiter