Ein plattdeutsches Gedicht

Details

Veröffentlicht: Mittwoch, 15. April 2009 00:00

Geschrieben von Ingo Lenzen

Zugriffe: 526

Ein plattdeutsches Gedicht von Kurt P. Gietzen.

Fröhjohr

D’r Hä-er en sinnem Weltenbook hat alles fassjehalde,
om domöt noh sinnem Plan on Well och alles bliff beem Alde.
Dat Fröhjohr höllt d’r Färevkaas erut,
deet vörr’em Hä-er et klü-ere,
benömp sesch wi ne kleene Puut
lött sesch von kennem schtü-ere.
Et küüsd mar mött di Klü-ere röm,
on krett et net jedonn,
Schtrüük on Blömkes schtänze all,
maak vü-er-aan, komm lott jonn.
Do wä-ede Hälmkes jröön jemoolt,
Blömkes wolle e bongk Jeseet,
Jä-ele , ruu-e, blaue Klü-ere,
mäck öt op d’r Palette jreet.
Mimmkätzkes deet öt selvresch färeve,
Dolljöpkes wett on jröön donnt äreve.
He noch ne Schtri-ek, on do ne Klecks,
deet och jät uutprobeere,
riif schmitt öt möt de Klü-ere röm,
hält sesch maar am majee-re.
Dat Blömke, en d’r letztden Hött,
dat ding sesch te i-esch scheneere,
leet sesch dann, mer jlöff et koom,
sinn Blättsches ondeleere.
Hemmelsschlü-etel klü-ert öt wett on jäe-el,
sälefs Melsööte, di kleene Weeter,
krääsche von d’r Färev jät möt,
hannt nuu sonnije Jesseter.
On Osterjlocke wett on jä-el, di necke voller Vreud,
wä noch wi Kenger hü-ere kann, hü-ert Fröhjohrs Fääßjeläut.

Kurt P. Gietzen